Big Brother Vip Albania është një fenomen social që mbërthen fort jo vetëm vëmendjen por edhe debatin publik. Prej datës 13 Janar në Top Channel ka nisur edicioni i tretë i “Big Brother VIP 3”. Një reality show, i cili që në natën e parë të spektaklit arriti të gozhdonte para ekranit teleshikuesit dhe rezultoi të ishte mjaft i suksesshëm. Dinamikat në shtëpinë e “Big Brother VIP” ndryshojnë në çdo moment.

Një tjetër debat i ashpër ka ndodhur gjatë kësaj jave mes Ledjonës dhe Ilnisës, i cili agravoi dhe shkoi deri te profesioni, ku u përfshinë dhe banorët e tjerë e gjithashtu dhe opinionistët. Ledjona u shpreh si më poshtë.

Kam shumë respekt për veten, për punën që bëj dhe për kauzën që bëj. Puna jashtë flet vetë. Të gjitha vajzat janë ofenduar nga Ilnisa Agolli. Nëse ka një rast që është ofenduar një vajzë nga unë, nuk e kam bërë për t’u faktorizuar si Ilnisa. Ka ardhur ka goditur ujin me këmbë dhe ka sjellur ushqim për të gjithë përveç meje. Unë mbeturinë nuk e quaj një vajzë. Më ka thënë e pandershme, e pamoralshme, unë nuk do e bëj kurrë.