Së fundmi është  zbuluar zhurma që është dëgjuar gjatë kërkimit të ekipeve të shpëtimit në zonën më të gjerë ku ndodhej nëndetësja Titan. Kërkimet kishin filluar pasi kontakti me anijen e saj mëmë humbi. Nëndetësja u zhduk gjatë një misioni në rrëzimin e Titanit më 18 qershor 2023.

“Tingulli i zbrazët” i luajtur për herë të parë në një dokumentar të ri ka një ritëm të rregullt dhe të qëndrueshëm, i cili tërhoqi vëmendjen e ekspertëve dhe ngjalli shpresa se zhurma mund të jetë sinjali SOS të bëra nga pesë burrat në bord.

“Mund të jetë dikush që godet, simetria midis atyre goditjeve është shumë e pazakontë,”-thotë ish-kapiteni i nëndetëses së Marinës Ryan Ramsey në dokumentar. “Është ritmike, është si dikush që e bën atë tingull dhe fakti që ai përsëritet është vërtet i pazakontë”.

Rikujtojmë, se roja Bregdetare e SHBA-ve ka mundur të rikuperojë mbetje të tjera nga nëndetësja Titan, e cila u shkatërrua duke u marrë jetën edhe personave që kishte në bord. Përpos pjesëve të nëndetëses janë gjetur edhe mbetje njerëzore. Roja bregdetare bëri të ditur se transferimi i pjesëve të mbetura u përfundua të mërkurën e kaluar.

Sa i përket mbetjeve njerëzore, ato janë dërguar për analiza të mëtejshme nga ekipet e mjekëve. Misioni i rikuperimit, i kryer sipas një marrëveshjeje me Marinën e SHBA-ve, ishte vazhdim i operacioneve fillestare të rikuperimit në fundin e oqeanit afërsisht 2574.95 km nga Titaniku. Rikujtojmë se Titani shpërtheu teksa po zbriste në ujërat e thella të Atlantikut të Veriut më 18 qershor.