Një fotograf australian pretendon se u godit me grusht nga babai i këngëtares Taylor Swift në Sydney pas koncertit të këngëtares. Ben McDonald i tha policisë se incidenti ndodhi në Neutral Bay Wharf, ku Swift dhe babai i saj sapo kishin dalë në breg nga një jaht disa orë pas shfaqjes së fundit të artistes në qytet.

Ndërsa oficerët nuk dhanë emra, policia tha se po heton një sulm të dyshuar nga një 71-vjeçar ndaj një 51-vjeçari në orën 2:30 të mëngjesit me kohën lokale. Një zëdhënës i tha revistës Rolling Stone se dy persona ishin duke u shtyrë në mënyrë agresive për të arritur te Swift.

Ata shtuan se personat kanë kërcënuar një anëtar të stafit të këngëtares së famshme. “Fillimisht mendova se ishte një sigurim që po përpiqej të ishte heroi i momentit në frontin e amerikanëve, por siç doli ishte babai i saj”,-tha Ben. Ben tha se ai e njohu babanë e Swift, Scott Swift, nga një foto në internet duke shtuar se ai nuk kishte asnjë mavijosje dhe nuk kishte nevojë për ndonjë trajtim.

Ndërkaq, rikujtojmë se ish-këngëtari i grupit muzikor Boyzone, Shane Lynch ka akuzuar Taylor Swift për kryerjen e ritualeve satanike në koncertet e saj. Këngëtari iu kthye krishterimit në fillim të këtij shekulli dhe në një intervistë të fundit për gazetën “Sunday World” sulmoi Swift. Albumet e Taylor janë në krye të top listave botërore. Ylli i muzikës pop së fundmi fitoi çmimin Grammy për albumin e vitit për herë të katërt, duke ia kaluar legjendave Frank Sinatra, Paul Simon dhe Stevie Wonder, të cilët fituan çmimin nga tre herë secili.