“Airbnb” ka njoftuar se do të ndalojë përdorimin e kamerave të sigurisë së brendshme në mbarë botën deri në fund të muajit të ardhshëm. Platforma e qirasë në internet me qendër në San Francisko tha se po kërkon të “thjeshtojë” politikën e saj të kamerave të sigurisë duke i dhënë përparësi privatësisë.

“Këto ndryshime u bënë në konsultim me vizitorët tanë, mikpritësit dhe ekspertët e privatësisë dhe ne do të vazhdojmë të kërkojmë opinione për të ndihmuar në sigurimin e funksionimit të politikave tona për komunitetin tonë global”-tha Juniper Downs, kreu i politikave dhe partneriteteve të komunitetit në “Airbnb”.

“Airbnb” kishte lejuar përdorimin e kamerave të sigurisë së brendshme në zonat e përbashkëta, për sa kohë që vendndodhjet e kamerave zbuloheshin. Sipas politikës së re, hostet do të lejohen të përdorin kamerat e ziles së derës dhe monitorët me zhurmë, të cilat lejohen vetëm në hapësirat e përbashkëta, për sa kohë që zbulohet vendndodhja dhe prania e pajisjeve. Ndryshimi i politikës do të hyjë në fuqi më 30 prill.

Rikujtojmë, se Airbnb ka rënë dakord t’i paguajë autoriteteve tatimore italiane 576 milion euro për të zgjidhur një mosmarrëveshje tatimore. Italia thotë se shuma lidhet me paratë që kompania kishte dështuar në mbledhjen e taksave mbi të ardhurat e njerëzve që jepnin me qira dhoma ose prona në faqen e gjigantit Airbnb me qira.

Pronarët në Itali u kërkohet të paguajnë një taksë prej 21% mbi të ardhurat e tyre. Së fundmi, një gjykatës italian urdhëroi sekuestrimin e 779.5 milionë eurove nga selia evropiane e Airbnb në Irlandë për evazion fiskal për vitet tatimore 2017-21. Firma ka rënë dakord të paguajë rreth 1/4 e borxhit të mijëra pronarëve.