New York-u ka legalizuar tradhtinë. Ky është një nga 16 vendet në shtetet e bashkuara ku tradhtia ishte ende një vepër penale. Një person që tradhton bashkëshortin apo bashkëshorten, që konsiderohet një krim që nga viti 1907, mund të dënohej me një gjobë prej 500 dollarësh deri në burgim për 90 ditë. Ky dënim është zbatuar në një kohë kur tradhtia bashkëshortore ishte mënyra e vetme për t’i dhënë fund një martese dhe ligjvënësit ishin të prirur të reduktonin numrin e divorceve.

Ndjekja e parë, përfshinte një investitor të martuar në Coney Island, i cili la gruan e tij për një grua 25-vjeçare që punonte në seksionin e mullirit të një dyqani. Aktualisht dënimet penale janë jashtëzakonisht të rralla. E fundit ishte në vitin 2010, ku përfshihej një incident tradhtie në një park. Megjithatë, çështja u pushua si pjesë e një marrëveshjeje për pranimin e fajësisë. Tradhtia bashkëshortore ende klasifikohet si krim në Oklahoma, Wisconsin dhe Michigan.

Ndërkaq, shumë hulumtime janë bërë sa i përket tradhtisë. Ka forma të ndryshme të tradhtisë ku një ndër to është edhe flirtimi me persona të tjera teksa jeni në një lidhje. Sidoqoftë, një hulumtim i ri ka treguar edhe një arsye tjetër se përse partneri mund t’ju tradhtojë. Siç duket, çiftet me jetë të mirë seksuale janë më të prirur ta gjejnë veten në situata të tradhtisë.

Sipas shkencëtarëve, sa më shumë kohë që shpenzoni duke përjetuar orgazma, aq më të prirur jeni të dëshironi më shumë orgazma të tilla. Pas eksperimenteve të ndryshme, hulumtuesit gjithashtu kanë konstatuar se meshkujt me gra joshëse janë më pak të prirur të tradhtojnë sesa gratë që kanë burra joshës. Për ata që tradhtojnë, duket sikur kjo është koha më e mirë sepse tradhtia nuk ka qenë kurrë më e lehtë se kaq. Të zbulosh një tradhti nuk është më një ‘problem i madh’. Kjo ndodh për shumë faktorë social dhe personal.