Këngëtari i njohur grek Dimitris Kokotas ka pësuar së fundmi një arrest kardiak dhe tashmë ndodhet nën kujdes intensiv mjekësor. 56-vjeçari e pësoi sulmin në zemër gjatë xhirimeve televizive të emisionit J2US. Sipas mediave greke, ai është ndjerë keq dhe ka njoftuar kolegët e tij gjatë xhirimeve. Situata u përkeqësua me shpejtësi dhe ishte shumë e rëndë.

Pranimi i tij në repartin e zemrës ishte i domosdoshëm, ku mjekët deklaruan se është një rast shumë i rëndë dhe me prognozë të pasigurt. Po ashtu mjekët bëjnë me dije se 24 orët e ardhshme do të jenë vendimtare për jetën e këngëtarit, pasi gjendja e tij aktualisht është kritike.