“Nuk u japim me qira romanëve, ju ankoheni shumë”. Kjo është arsyeja që një hotel në faqen Airbnb anuloi rezervimin e një gruaje nga kryeqyteti italian, e cila donte të kalonte një fundjavë pushimi në zonën e Canavese, në zonën e Liqenit Candia në Torino. Pasi kontrolloi disponueshmërinë e objektit, gruaja përfundoi rezervimin, por u habit kur mori njoftimin: “Ky hotel nuk mund t’ju strehojë.”

Kur u pyet për shpjegime të mëtejshme, menaxheri specifikoi se objekti nuk ishte i disponueshëm sepse nuk i pëlqenin njerëzit e Romës.

Faji juaj është që ankoheni, si të gjithë romanët. Kujdes, uji i liqenit do të jetë i ndotur, i ftohtë dhe plot mustak.

Pas këtij refuzimi gruaja ka hapur një raport në platformën e prenotimeve. “Kam raportuar mesazhet e tij, sepse nuk më duket e drejtë të vuaj diskriminimin e çfarëdo lloji”, shpjegoi ajo për “Repubblica”, duke pranuar se është hera e parë që i ndodh një situatë e tillë.

Nga mënyra se si ai shkruante mendoj se ishte i huaj. Ishte vërtet e pakëndshme të dëgjoja ato gjëra, ndoshta kishte një përvojë negative me një të ftuar dhe e ka përgjithësuar. Por nuk e prisja kurrë një përgjigje të tillë, nuk më kishte ndodhur kurrë, ndaj mendoj se është një rast i vetëm.

Rikujtojmë se “Airbnb” ka njoftuar se do të ndalojë përdorimin e kamerave të sigurisë së brendshme në mbarë botën deri në fund të muajit të ardhshëm. Platforma e qirasë në internet me qendër në San Francisko tha se po kërkon të “thjeshtojë” politikën e saj të kamerave të sigurisë duke i dhënë përparësi privatësisë.

“Këto ndryshime u bënë në konsultim me vizitorët tanë, mikpritësit dhe ekspertët e privatësisë dhe ne do të vazhdojmë të kërkojmë opinione për të ndihmuar në sigurimin e funksionimit të politikave tona për komunitetin tonë global”-tha Juniper Downs, kreu i politikave dhe partneriteteve të komunitetit në “Airbnb”.