Këngëtarja Billie Eilish ka njoftuar së fundmi se albumi i saj i tretë në studio titullohet “Hit Me Hard and Soft” dhe do të dalë më 17 maj. “Sa çmendur që po e shkruaj këtë tani, jam e emocionuar”, shkroi ylli i popit në rrjete sociale.

Nuk do të bëj një këngë të vetme. Unë dhe Finneas (vëllai) me të vërtetë nuk mund të jemi më krenarë për këtë album dhe ne absolutisht mezi presim që ju ta dëgjoni atë. Ju dua, ju dua, ju dua!

Ndërkaq, muzikanti 26-vjeçar shtoi në postimin e tij: “Më pëlqen shumë ky album, aq mirënjohës që e bëra këtë me Billie, shumë i lumtur që do të jetë i juaji”. Rikujtojmë se Billie i ka befasuar të gjithë teksa në rrjetin e saj social Instagram ka shtuar të gjithë ndjekësit e saj prej 111 milionë fansash në listën “Close Friends”.

Kjo lëvizje e papritur ka shkaktuar reagime të shumta. Ka shumë spekulime për motivin e këtij gjesti. Ndërsa fansat shijojnë mundësinë për të parë botën private të Eilish-it, ekziston një dyshim në rritje se ky mund të jetë një veprim strategjik që i paraprin publikimit të albumit të saj të ri.

Lajmet për një album të ri kanë qarkulluar që në shkurt. Ndërsa entuziazmi po rritet dhe aludimet po shtohen, fansat presin me padurim detaje të mëtejshme nga ylli i pop-it. Rikujtojmë se së fundmi Billie Eilish dhe vëllai i saj Finneas O’Connell kanë fituar Oscar-in për këngën më të mirë origjinale në filmin “Barbie”. Eilish, ndërsa pranoi çmimin për këngën “What Was I Made For?”, tha:

Unë thjesht nuk e mendoja se kjo do të ndodhte. Nuk e prisja këtë. Ndihem tepër me fat dhe e nderuar.