Filmi biografik i Amy Winehouse “Back To Black” është cilësuar nga kritikët e filmit si një “pjesë e dobët e krijimit të filmit” dhe një “imitim i dobët i yllit”. Filmi i drejtuar nga Sam Taylor-Johnson tregon historinë e jetës së këngëtares së ndjerë, e portretizuar nga Marisa Abela, e cila vdiq në vitin 2011 në moshën 27-vjeçare.

Filmi pati premierën e tij në Londër dhe komentet e para vlerësuan si regjisorin ashtu edhe kastin e filmit. Duke i dhënë filmit vetëm një yll, Evening Standard e përshkroi “Back To Black” si një ‘pjesë e varfër dhe e dobët e krijimit të filmit’.

Ky është një film që nuk paraqet një pamje të bukur apo të drejtë të saj si një njeri, as nuk kupton se sa artiste e veçantë ishte ajo. 

Sipas një njoftimi për shtyp, “Back to Black” u bë me mbështetjen e plotë të “The Amy Winehouse Estate”, Universal Music Group dhe Sony Music Publishing. Filmi cilësohet si një vështrim i paparë kurrë në ngritjen e hershme të famës së fitueses britanike të Grammy dhe publikimin e albumit të saj novator në studio, “Back to Black”.

“Thënë nga këndvështrimi i Amy-t, filmi është një vështrim pas fenomenit dhe marrëdhënies që frymëzoi një nga albumet më legjendar të të gjitha kohërave”,-sipas përmbledhjes. Sipas People, ‘Back to Black’, e publikuar në albumin e saj me të njëjtin titull në 2007, fillimisht arriti në vendin e 25-të në tabelën e këngëve pop në Mbretërinë e Bashkuar të atij viti, përpara se të ngjitej në vendin e 8-të.

Rikujtojmë, se babai i Winehouse ka së fundmi paditur dy miqtë e vajzës së tij të ndjerë në Gjykatën e Lartë për pretendimet se kanë mbajtur fitimet nga shitja e sendeve të saj. Mitch Winehouse, një ish-shofer taksie, dëshiron të rikuperojë paratë që ai tha se duhet t’i paguhen fondacionit të krijuar në emër të këngëtares. E dashura e përfolur e Amy, Catriona Gourlay dhe stilistja Naomi Parry dyshohet se fituan një pjesë të 3.3 milionë paundëve të mbledhura gjatë një ankandi në Beverly Hills në Amerikë në vitin 2021.