Nëse pedaloni do të fitoni maksimumi deri në 30 euro në muaj dhe ju gjithashtu jepni një kontribut të mirë në përmirësimin e mjedisit. Kjo është iniciativa e bashkisë së Firences ‘Pedalo, Firence ju shpërblen’ e cila synon të promovojë automjetin me dy rrota për udhëtimet në qytet në këmbim të një kontributi mujor dhe gjithashtu bonuse për qytetarët më të virtytshëm, përmes një aplikacioni të dedikuar.

Të interesuarit, 18 vjeç e lart, banorë dhe me vendbanim në Firence dhe zonën metropolitane të saj, do të mund të aplikojnë duke filluar nga data 13 maj. Priten maksimumi dy mijë pjesëmarrës, të cilët mund të rriten më vonë nëse projekti do të ketë rezultate pozitive, ndërsa nisma do të nisë nga data 3 qershor, në Ditën Botërore të Biçikletave. Rikujtojmë, se Firence po i jep fund zgjerimit të shtëpive me qira afatshkurtër në platforma si Airbnb në qendrën e saj historike.

Firence, një nga destinacionet më të njohura të Italisë, ka ndaluar qiratë e reja afatshkurtra, ndërsa u ofron lehtësime tatimore 3-vjeçare pronarëve të qirave ekzistuese afatshkurtra nëse ndryshojnë statusin. Kryetari i Bashkisë së Firences Dario Nardella tha se qyteti vendosi të veprojë në nivel lokal sepse planet e qeverisë për të rregulluar këtë çështje ishin zhgënjyese.

Në vitin 2016 kishim pak më pak se 6000 apartamente të listuara në platformën Airbnb dhe sot janë pothuajse 14378. Këtë vit kostoja mesatare e qirasë është rritur me 42%. Çmimet janë rritur 15.1%. 40,000 banorët që jetojnë në qendër ankohen se papritmas e gjetën veten duke jetuar në apartamente, hotele.