Një alarm i kuq për raketa është vendosur në Sderot, Ibim, Nir Am, Mefalsim, Gavim dhe Kolegjin Sapir, që të gjitha ndodhen pranë Gazës në Izraelin jugor. Sistemi i alarmit të kuq është burimi zyrtar i Izraelit për sulmet me raketa të lëshuara ndaj vendit, tek i cili mbështeten çdo ditë miliona izraelitë. Hamasi ka vazhduar të hedhë raketa në drejtim të Izraelit që nga sulmet e 7 tetorit dhe fillimi i luftës në Gaza.

Në foton që shihni, e publikuar nga agjencia e lajmeve Reuters, tregojnë momentin kur raketat e lëshuara nga Gaza kapen nga sistemi Iron Dome i Izraelit. Iron Dome është projektuar për të mbrojtur kundër armëve me rreze të shkurtër veprimi dhe përdor radarin për të gjurmuar raketat. Sistemi antiraketor Iron Dome i Izraelit kap raketat e lëshuara nga Gaza, në mes të konfliktit të vazhdueshëm midis Izraelit dhe Hamasit, siç shihet nga Ashkeloni, Izrael.

Ushtria izraelite urdhëroi të hënën dhjetëra mijëra njerëz në qytetin jugor të Gazës, Rafah, që të nisin evakuimin, duke sinjalizuar se një pushtim tokësor për të cilin është zotuar prej kohësh, mund të jetë i afërt. Njoftimi ndërlikoi përpjekjet e fundit ndërkombëtare, përfshirë drejtorin e CIA-s, për të ndërmjetësuar një armëpushim. Hamasi dhe Katari, një ndërmjetësues i rëndësishëm, kanë paralajmëruar se një pushtim i Rafahut mund të prishë bisedimet.

Nënkoloneli Nadav Shoshani, një zëdhënës i ushtrisë, tha se:

Rreth 100,000 njerëz janë urdhëruar të zhvendosen në një zonë humanitare të shpallur nga Izraeli aty pranë, të quajtur Muwasi. Ai tha se Izraeli po përgatiste një “operacion të kufizuar” dhe nuk tha nëse ky ishte fillimi i një pushtimi më të gjerë të qytetit. Tetorin e kaluar, Izraeli nuk njoftoi zyrtarisht nisjen e një pushtimi tokësor që vazhdon edhe sot e kësaj dite.