Ukraina dhe Rusia kanë akuzuar njëra-tjetrën për përdorimin e toksinave të ndaluara në fushën e betejës.

Organizata për Ndalimin e Armëve Kimike (OPCW), e cila ndodhet në Hagë, tha se të gjitha akuzat ishin “të pamjaftueshme të vërtetuara”. “Situata mbetet e paqëndrueshme dhe jashtëzakonisht shqetësuese në lidhje me rishfaqjen e mundshme të përdorimit të kimikateve toksike si armë.”

Në lidhjet me akuzat asnjëra palë nuk i ka kërkuar OPCW-së të hetojë përdorimin e supozuar të armëve kimike. Javën e kaluar, Rusia mohoi akuzat nga SHBA se kishte përdorur agjentin mbytës kloropicrin kundër trupave ukrainase dhe kishte përdorur agjentë të kontrollit të trazirave “si një metodë lufte”.

Sipas Konventës për Armët Kimike, çdo kimikat toksik i përdorur me qëllim të dëmtimit ose vdekjes konsiderohet armë kimike.

Ndërkaq mediat ndërkombëtare raportojnë se Bjellorusia do të zhvillojë stërvitje taktike bërthamore së bashku me Rusinë.

Tashmë duket se Bjellorusia ka filluar kontrollet mbi gatishmërinë e ushtrisë së saj për të vendosur armë bërthamore taktike, njëkohësisht me një stërvitje që po kryhet nga Rusia.

Rusia në një deklaratë zyrtarë të publikuar të hënën tha se do të praktikonte vendosjen e armëve bërthamore taktike si pjesë e një stërvitjeje ushtarake pas atyre që Moska tha se ishin kërcënime nga Franca, Britania dhe Shtetet e Bashkuara.

Udhëheqësi bjellorus Aleksandër Lukashenko disa javë më parë deklaroi se “disa dhjetëra” armë taktike bërthamore ruse ishin vendosur në Bjellorusi sipas një marrëveshjeje të shpallur vitin e kaluar nga ai dhe presidenti Vladimir Putin.