Dyshohet se kërcënoi dikë nga stafi i Eurovisionit, përfaqësuesi i Holandës Joost Klein nën hetim nga policia suedeze!
![](https://www.vovmagazine.al/wp-content/uploads/2022/02/56-2-150x150.png)
![Dyshohet se kërcënoi dikë nga stafi i Eurovisionit, përfaqësuesi i Holandës Joost Klein nën hetim nga policia suedeze!](https://www.vovmagazine.al/wp-content/uploads/2024/05//dyshohet-se-kercenoi-dike-nga-stafi-i-eurovisionit-perfaqesuesi-i-holandes-joost-klein-nen-hetim-nga-policia-suedeze.jpeg)
Joost Klein, i cili përfaqëson Holandën në Eurovision, është marrë në pyetje nga policia suedeze për kërcënimet që ai dyshohet se ka bërë ndaj një anëtari të ekipit të Eurovisionit. Incidenti thuhet se ka ndodhur në “Malmö Arena” dhe nuk ka pasur asnjë konfrontim fizik. Policia u tha gazetarëve se si Klein ashtu edhe personi që ka bërë denoncimin janë marrë në pyetje dhe çështja tani është në prokurorinë publike, e cila do të vendosë se çfarë duhet të ndodhë më pas.
Kjo, sipas transmetuesit NOS, mund të zgjasë disa javë. Sipas mediave të huaja, incidenti përfshinte një anëtare grua të stafit. Ende është e paqartë nëse Klein do të shfaqet në finalen e sotme. Ai duhej të performonte i pesti, por nuk mori pjesë në provën e së premtes. Sonte do të interpretohen 26 këngë dhe më pas shpallet fituesi. Me këngën “Titan”, Shqipëria u përfaqësua nga Besa Kokëdhima, e cila performoi në natën e dytë gjysmë finale, por pa mundur të kualifikohej për në finale.
Besa Kokëdhima ishte e 2-ta në radhë për të performuar në gjysmëfinalen e dytë të Eurovision 2024, një nga ngjarjet muzikore më të ndjekura me miliona shikues. Kënga e saj “Zemrën n’dorë” triumfoi në Festivalin e Fundvitit përmes votave të publikut, propozohet në Festivalin Europian të Këngës me titullin “Titan”. Me poezi të Rozana Radit dhe Petrit Sefajt, sillet historia e një zemre të lënduar që rimëkëmbet.
Në versionin e ri në anglisht, përfshin një serë bashkëpuntorësh krahas Kledi Bahitit (ka bërë muzikën) dhe producentëve ndërkombëtarë si Gia Koka, Serban Casan dhe Alias LJ. Eurovision Song Contest ka një sistem votimi kompleks i cili ndryshohet rregullisht. Për t’i bërë gjërat më të komplikuara, Unioni Evropian i Transmetuesve, i cili organizon festivalin, ka bërë disa ndryshime për edicionin e vitit 2024 në Malmo. Shikuesit në mbarë botën mund të votojnë 24 orë përpara finales së madhe, por jo pas transmetimit, pasi u është dhënë aftësia për të kontribuar në sondazhin e vitit të kaluar. Zbuloni më shumë duke klikuar në këtë link.