Ka një sërë gjërash të ndryshme që mund të shkojnë keq gjatë një koncerti live. Një gjë tjetër që mund të rezultojë e pafavorshme për fansat e muzikës është nëse një grup prej kohësh do të performojë vetëm këngë të reja dhe asnjë nga klasikët e tyre. “Red Hot Chili Peppers” mesa duket u fokusuan kryesisht në muzikën e tyre më të re kur performuan në Australi vitin e kaluar. Duke përdorur rrjetet sociale, disa fansa të grupit madje thanë se nuk do të shpenzojnë paratë e tyre të fituara me vështirësi për t’i parë në të ardhmen.

“Përvojë e mire, por nuk do t’i shoh më”-tha një person pas koncertit të shkurtit 2023. Një tjetër komentoi: “Do të doja të mund të merrja përsëri vendimin tim për të shkuar në RHCP. Absolutisht i mërzitur nga ajo performancë.” “Epo, kjo ishte zhgënjyese, definitivisht nuk do t’i shoh më ata!!!”-premtoi tjetri. Ndërsa dikush tjetër shtoi: “Kam qenë fansi i tyre më i madh gjatë gjithë jetës sime dhe pas atij koncerti nuk do të rikthehem më”.