Një modele tajvaneze me më shumë se 19 operacione plastike në trupin e saj u zbulua se kishte disa disa gozhda në fytyrë ndërsa po kalonte nëpër një skaner aeroporti. Fang Qiyuan, 36 vjeçe, e njohur ndryshe si Sprite, detajoi zbulimin e saj për më shumë se 1.3 milion ndjekësit e saj në një postim në Instagram. “Proteza e mjekrës që kam pasur tetë vjet më parë la një gozhdë që ishte pothuajse 3 centimetra e gjatë”-tha Qiyuan.

Tajlandezja ka harxhuar mbi 250,000 dollarë në procedura të ndryshme kozmetike, përfshirë dy operacione të ballit, pesë në qepalla, pesë në hundë, dy në mjekër dhe liposuksion për riparim fytyre pesë herë. Si rezultat, Fang është lënë me disa objekte të huaja të ngulitura në mjekër. Duke provuar të kalojë përmes një skaneri të sigurisë në aeroport, makina zbuloi një vijë kirurgjikale pak më poshtë buzës së poshtme.

Fang beson se gozhda ishte lënë atje gjatë një “proteze mjekre” që kishte marrë tetë vjet më parë. Fatkeqësisht, ajo nuk ishte gozhda e vetme kirurgjikale që doli në skanimin me tomografi të kompjuterizuar (CT). “Papritmas zbulova se kam edhe gozhdë në hundën time”, zbuloi modelja. Fotot shoqëruese tregojnë një nga gozhdat pak më lart se buzët e saj të drejtuara poshtë dhe një tjetër në hundën e saj. Vidat kirurgjikale në përgjithësi nuk janë të dëmshme për pacientin dhe prandaj nuk kërkohet të hiqen. “Në shumicën e rasteve, implantet mund të qëndrojnë në trupin tuaj pa asnjë dëm”-sipas Very Well Health. Megjithatë, mjekët mund të vendosin të heqin pajisjet nëse shkaktojnë dhimbje, irritim ose infeksion.