Me ngrohjen e motit, më shumë breshka do të shihen duke ecur në rrugë, kryesisht femra, të cilat mund të jenë duke kërkuar një vend të përshtatshëm për fole. Fatkeqësisht, breshkat që vendosin të kalojnë rrugën janë në rrezik serioz nga makinat që kalojnë. Edhe pse ato janë kafshë që kanë armaturën e tyre dhe kanë mbijetuar në tokë për më shumë se 200 milionë vjet, për fat të keq ato mund të zhduken për shkak të njerëzimit.

Rreth 61% e 356 llojeve të breshkave në botë janë të kërcënuar me zhdukje, ose tashmë janë zhdukur. Zhdukja e breshkave mund të ketë pasoja të rënda ekologjike. Autorët e hulumtimit shpjegojnë se breshkat sot po konsiderohen si një nga vertebrorët më të kërcënuar për momentin, më shumë se zogjtë, gjitarët, peshqit apo amfibët.

Nëse shikoni një breshkë që kalon rrugën ndaloni i sigurt në anë të rrugës dhe ndihmojeni të kalojë shpejt. Drejtoje atë në drejtimin e duhur, nëse e drejtoni një breshkë në drejtim të kundërt me atë në të cilin po ecte, ajo do të kthehet prapa dhe do të rifillojë rrugën e saj, e vendosur të arrijë destinacionin e saj origjinal. Merri breshkat me kujdes. Mund t’i marrësh me siguri duke e mbajtur guaskën e tyre me të dyja duart midis këmbëve të saj të përparme dhe të pasme.

Asnjëherë mos kapni një breshkë nga bishti i saj. Jini veçanërisht të kujdesshëm me breshkat e mëdha. Mund të merrni një copë kartoni të trashë dhe kështu t’i zhvendosni diku afër. Rikujtojmë, se një breshkë “e rrezikshme” me nofulla mjaft të forta është gjetur në Cumbria në veriperëndim të Britanisë së Madhe. Breshkat aligator kanë origjinën në lumenjtë dhe kënetat e Floridës dhe dallohen nga guaska e tyre, e cila u jep atyre një pamje të ngjashme me dinozaurët.