Big Brother Vip Albania është një fenomen social që mbërthen fort jo vetëm vëmendjen por edhe debatin publik. Prej datës 13 Janar në Top Channel ka nisur edicioni i tretë i “Big Brother VIP 3”. Një reality show, i cili që në natën e parë të spektaklit arriti të gozhdonte para ekranit teleshikuesit dhe rezultoi të ishte mjaft i suksesshëm. Për efektet e këtij formati të gjithë kanë diçka për të thënë, si ata që e shijojnë e argëtohen, por edhe ata që janë kundër. Por, të gjithë janë dakord në një pikë: “Big Brother” nuk lë askënd indiferent.

Kanë kaluar tashmë mbi 100 ditë nga nisja, teksa finalja e këtij edicioni të “Big Brother” është më 25 maj. Ndërkohë, të shtunën u shpallën 5 finalistët Romeo, Juli, Heidi, Egla dhe Meritoni.

Gjatë ditës së djeshme, finalistët lexuan një zarf ku shkruhej:

Banorë, Vëllai i Madh ju lajmëron që ditën e nesërme ju do të lidheni live me emisionin “Në shtëpinë tonë”. Ju do të keni mundësinë të gatuani recetën që do t’ju vijë.

Vetëm pak minuta më parë, banorët u lidhën me emisionin, teksa nuk munguan ngacmimet dhe batutat mes banorëve dhe moderatorëve Julka Gramo dhe Alban Musa.

Romeo: Do mërziteni që mbaron Big Brother?

Julka: Po, por do ju shohim në projekte të bukura.