Një fshat i njohur në Alpet zvicerane po kërkon të vendos tarifë për vizitorët. Autoriteti lokal në Lauterbrunnen, një luginë në rajonin malor Bernese Oberland të Zvicrës, po kërkon mënyra për të frenuar turizmin masiv. Komuniteti i vogël dhe piktoresk i Lauterbrunnen, i cili është shtëpia e më pak se 800 banorëve, po përballet me rrugët e mbipopulluara, rrugët e mbuluara me plehra dhe qiratë e larta.

Tarifa e propozuar, e cila do të paguhet përmes një aplikacioni smartphone, do të jetë midis 5 dhe 10 franga zvicerane (5,50 deri në 10,99 dollarë) dhe do të zbatohet për vizitorët që kalojnë gjatë ditës me makinë. Tashmë ka më shumë se 60 destinacione në mbarë botën ku tashmë është vendosur kjo lloj takse dhe vendosja e taksave të tilla turistike shpesh rezulton e diskutueshme.

Dita e parë e tarifës së hyrjes në Venecia më 25 prill u prit me protesta nga disa vendas. Qyteti i famshëm, do të vazhdojë vendosjen e tarifave deri më 14 korrik. Gjobat do të variojnë nga 50 deri në 310 euro për ata që shkelin masat. Banorët e qytetit ose personat e lindur në Venecia, si dhe studentët, punëtorët dhe pronarët e shtëpive në qytet do të përjashtohen nga masat. Vizitorët nën moshën 14-vjeç do të regjistrohen, por aksesi do të jetë falas.

Ndërkaq, lugina e Lauterbrunnen është shtëpia e atraksioneve të shumta, duke përfshirë Staubbach Falls, një nga ujëvarat më të larta të Evropës në 270 metra. Vitin e kaluar, industria zvicerane e hotelerisë shënoi nivelin e saj më të lartë ndonjëherë të qëndrimeve gjatë natës gjatë një sezoni veror me 23.9 milionë.