Protesta e dhunshme para bashkisë së Tiranës, procedohen disa persona!
![](https://www.vovmagazine.al/wp-content/uploads/2022/02/56-2-150x150.png)
![Protesta e dhunshme para bashkisë së Tiranës, procedohen disa persona!](https://www.vovmagazine.al/wp-content/uploads/2024/05//protesta-e-dhunshme-para-bashkise-se-tiranes-procedohen-disa-persona.jpeg)
Policia e Tiranës ka proceduar disa persona lidhur me protestën e dhunshme të mbajtur para bashkisë së Tiranës.
Drejtoria Vendore e Policisë Tiranë, në lidhje me aktet e dhunshme të ushtruara gjatë protestës së zhvilluar më datë 21.05.2024, përpara Bashkisë Tiranë, nga Aleanca për Mbrojtjen e Teatrit, në vijim të veprimeve hetimore e procedurale dhe nën drejtimin e Prokurorisë pranë Gjykatës së Shkallës së Parë të Juridiksionit të Përgjithshëm Tiranë, ndaloi shtetasin:
– E. V., 38 vjeç, banues në Kurbin, për veprat penale “Prishja e qetësisë publike”, “Shkelja e rregullave mbi lëndët plasëse dhe djegëse”, “Shkatërrimi i pronës me zjarr”, dhe “Goditjet për shkak të detyrës”. Ky shtetas është ndaluar dhe më datë 16 maj, në lidhje me protestën e datës 14 maj 2024.
Gjithashtu u proceduan në gjendje të lirë shtetasit K. B., 21 vjeç, S. J., 41 vjeçe, të dy banues në Tiranë, dhe S. B., 49 vjeç, banues në Krujë.
Materialet i kaluan Prokurorisë për veprime të mëtejshme.