TikTok ka vendosur së fundmi të godasë videot promovuese për ata janë të interesuar të marrin ilaçe, për të humbur peshë dhe ka lëshuar rregulla të reja që do të bllokojnë imazhet që reklamojnë trupin dhe mesazhet e dëmshme të lidhura me të.  Në mënyrë të parashikueshme, përdoruesit që fituan para duke promovuar barna dhe taktika për humbje peshe, panë filialet e tyre të goditura nga rregullat e reja, ose u zhvendosën në platforma të tjera, ose filluan të ndryshojnë mënyrën se si flasin për këto barna.

Ndjekja e rekomandimeve dhe udhëzimeve të barnave me recetë në TikTok është një taktikë problematike në vetvete. Nga pikëpamja ligjore, shumë ligjvënës në Amerikë kanë shprehur shqetësimin se influencuesit nuk po u japin konsumatorëve pasqyrën e plotë të rreziqeve të këtyre barnave të injektueshme. Nga ana tjetër, po aq e diskutueshme është praktika e shumë influencuesve që përdorin përvojat e tyre të humbjes së peshës për të promovuar barnat e prodhuara nga farmacitë dhe të përshkruara nga kompanitë e teleshëndetit.

Një injeksion për humbje peshe mund të zvogëlojë rrezikun e sulmeve në zemër me 20%. Personat që morën medikamentin semaglutide kishin një rrezik 20% më të ulët të sulmit në zemër, goditjes në tru ose vdekjes për shkak të sëmundjeve kardiovaskulare. Studimi i paraqitur në Kongresin Evropian të Obezitetit (ECO) dhe i udhëhequr nga studiues në University College London zbuloi gjithashtu se personat që morën semaglutide kishin përfitime kardiovaskulare, pavarësisht nga pesha e tyre fillestare ose sasia e peshës që kishin humbur.

Ndërkaq, TikTok fillimisht u bë i famshëm si platformë e ndarjes së videove 15 sekondëshe. Megjithatë, platforma ka bërë ndryshime duke mundësuar postimin e videove më të gjata. Bëhet e ditur se aktualisht ajo është zgjeruar deri në 10 minuta. Ndërsa tani, eksperti i rrjeteve sociale, Matt Navarra, tha se TikTok po teston video deri në 60 minuta.

Përditësimi i ri thuhet të jetë duke u testuar me disa përdorues të përzgjedhur në tregje specifike dhe platforma nuk po planifikon ta shpërndajë ende publikisht. Ky ndryshim mesa duket është pjesë e përpjekjeve të ByteDance për ta ndihmuar TikTok të bëhet konkurrent serioz i YouTube. Ndërkaq, çdo përmbajtje e prodhuar me anë të inteligjencës artificiale do të duhet të etiketohet si e tillë, nëse shpërndahet në platformën ‘TikTok’.