Parashikimi i motit, e enjte, 23 maj!

AKTUALITET

Parashikimi i motit, e enjte, 23 maj!

vovalbania May 23, 2024 0 koment 1 Mund të lexoni në minuta.

Shërbimi Meteorologjik Ushtarak bën të ditur se sot vendi ynë do të ndikohet nga kushte atmosferike relativisht të qëndrueshme. Masat e ajrit që qarkullojnë janë relativisht të lagështa, me origjinë jugperëndimore.

Moti parashikohet të jetë i kthjellët e me alternime vranësirash mesatare kalimtare, kryesisht nga orët e mesditës. Vranësirat pritet të pasohen me reshje shiu me intensitet të ulët të karakterit lokal e kryesisht përgjatë relieveve malore nga orët e mesditës. Prej orëve të pasdites pritet ndërprerja e reshjeve në të gjithë territorin.

Mjegullinë për shkak të prezencës së rërës në ajër.

Era fryn me drejtim veriperëndim e me shpejtësi mesatare 2-8 m/sek, ndërsa përgjatë vijës bregdetare e në lugina, era fiton shpejtësi 8-12 m/sek, shoqëruar me valëzim në dete të forcës 1-2 ballë.