Leclerc zot në shtëpinë e vet, Ferrari ‘pole-position’ në Monaco! Zhgënjen Verstappen dhe Red Bull!
![](https://www.vovmagazine.al/wp-content/uploads/2022/02/56-2-150x150.png)
![Leclerc zot në shtëpinë e vet, Ferrari ‘pole-position’ në Monaco! Zhgënjen Verstappen dhe Red Bull!](https://www.vovmagazine.al/wp-content/uploads/2024/05//leclerc-zot-ne-shtepine-e-vet-ferrari-pole-position-ne-monaco-zhgenjen-verstappen-dhe-red-bull.jpg)
Formula 1 zhvilloi provat zyrtare për Çmimin e Madh të Monacos. Këtë të shtunë pole-position siguroi djali i shtëpisë, monegasku Charles Leclerc i Ferrarit, duke lënë pas Oscar Piastrin e McLaren dhe shokun e tij të “Kokëkuqes”, Carlos Sainz.
Fundjavë brilante për Ferrarin në prova, duke dominuar në pistën qytetase të Principatës në Monte Carlo.
Ndërkohë, nga rreshti i tretë do niset kampioni në fuqi i botës dhe gjashtë herë fituesi i këtij sezoni, Max Verstappen.
Vetëm i gjashti holandezi, që u la pas edhe nga Mercedesi i George Russell. Në “top-10” më të mirët u renditën edhe Leuis Hamilton (i shtati), Yuki Tsunonda (i teti), Alexander Albon (i nënti) e Pierre Gasly (i dhjeti).
Zhgënjyen Alonso (i 16-ti) e Perez me makinën tjetër Red Bull, i 18-ti. Gara e Formula 1 nis të dielën në 15:00.