Finalja e emisionit më të përfolur shqiptar momentalisht, “Big Brother VIP 3” dhe rrugëtimit të pesë finalistëve u mbajt me 25 Maj në Top Channel. Një reality-show i mbushur me lot, surpriza, dashuri, arritje, çmenduri, por mbi të gjitha transparencë. Edicionin e tretë të “Big Brother Vip”  fituese u shpall Egla Ceno.

Ilnisa Agolli ka publikuar një foto në rrjete sociale ku duket e shtrirë në prehërin e Meritonit. Mbi postim ajo ka nënshkruar një emoji me zemër. Çifti e nisi romancën brenda në shtëpi dhe romanca e tyre vazhdoi edhe kur Ilnisa u eleminua nga shtëpia dhe si duket marrëdhënia e tyre po shkon shumë mirë edhe jashtë shtëpisë së BBV3.

Françeska Murati ka qenë ish-banorja më e komnetuar për veshjet e saj brenda shtëpisë. Për shkak të veshjeve luksoze dhe të shtrenjta  është aluduar se bashkëshorti i saj mund të merret me punë ilegale në Angli. Ajo ishte së fundmi e ftuar në “E Diell”, ku ka sqaruar një herë e mirë se burri i saj ka një biznes ku punojnë të dy dhe se vetë ajo ka pasur të ardhura mjaft të mira sepse ka punuar në disa kompani shumë të mëdha të Anglisë, në fushën e financës.