Edhe pse prindërit bëjnë shumë gjëra pa qëllim të keq, ata vërtet lënë gjurmë tek fëmijët e tyre. Psikologët besojnë se dy gjëra mund t’i lëndojnë aq shumë fëmijët, saqë do t’i mbajnë mend gjatë gjithë jetës. Në radhë të parë janë premtimet e paplotësuara.

Shumë prindër u premtojnë fëmijëve të tyre çmime nëse kryejnë me sukses një detyrë shkollore dhe të ngjashme. Megjithatë, kur përmbushin atë që u kërkohet, në vend të një shpërblimi, të rriturit u vendosin një sfidë të re. Mund t’ju duket e padëmshme, por nëse i premtoni vazhdimisht një fëmije diçka që nuk e përmbushni, ai do të humbasë besimin tek ju, sepse e keni zhgënjyer. Kur të rriten, nuk do t’ju tregojnë për gjëra serioze që ndodhin në jetën e tyre, sepse nuk ju besojnë.

Në vend të dytë është mosrespekti. Prindërit shpesh i dëmtojnë padashje fëmijët e tyre duke harruar t’i lavdërojnë për diçka që kanë bërë. Për këtë arsye, është shumë e rëndësishme t’i kushtoni vëmendje gjithçkaje që arrin një fëmijë. Inkurajoni fëmijët çdo ditë dhe ata do të vazhdojnë të arrijnë sukses më të madh.

Sipas një sondazhi të ri nga Qendra Mjekësore Wexner e Universitetit Shtetëror të Ohajos, 62% e prindërve ndihen të rraskapitur nga përgjegjësitë që vijnë me rolin e tyre. Kërkesat e shtuara dhe oraret e plota shpesh i çojnë prindërit në izolim, sepse u mungon energjia për t’u shoqëruar dhe për të kaluar kohë me miqtë e tyre pas një dite të ngarkuar me fëmijët dhe përgjegjësitë. Gjithashtu, presioni i akumuluar dhe stresi i vazhdueshëm mund të kenë efekte të pakëndshme në shëndetin mendor të prindërve. Pra, përpara se situata që po përjetoni të arrijë në fazën përfundimtare, duhet të merrni edhe një herë situatën në duart tuaja dhe të harroni vështirësitë.