Koreja e Veriut ka dërguar 700 balonë të tjerë të mbushura me mbeturina drejt Koresë së Jugut.

Fotot e fundit të publikuara tregojnë një thes të madh që përmban letra dhe bishta cigaresh, të cilat u hodhën nga balonat e mëdha të mbushura me gaz.

Koreja e Jugut tha se ushtria e saj po punon me policinë, qeverinë lokale, ministrinë e sigurisë dhe Komandën e Kombeve të Bashkuara për të tërhequr në mënyrë të sigurt balonat dhe mbeturinat. Balonat u gjetën në kryeqytetin Seul, si dhe në provincat Gyeonggi dhe Chungcheong.

Vetëm pak ditë më parë, balona të Koresë së Veriut lëshuan jashtëqitje dhe mbeturina të tjera në rrugët e mbushura me njerëz, përpara blloqeve të banimit dhe në zona të tjera publike në gjithë Korenë e Jugut, në përshkallëzimin e fundit të tensioneve nga Pheniani me fqinjin e tij jugor.

Dy vendet fqinje janë shkëputur nga njëri-tjetri që nga përfundimi i  Luftës së Koresë në 1953  me një armëpushim.

Motra e liderit të Koresë së Veriut Kim Yo Jong, një zyrtar i lartë në regjimin e izoluar, i quajti balonat “dhurata të sinqerta” dhe u zotua të dërgojë më shumë, sipas një deklarate nga Agjencia Qendrore Koreane e Lajmeve të mërkurën.

Koreja e Veriut është pothuajse plotësisht e mbyllur nga pjesa tjetër e botës, me kontrolle të rreptë mbi atë se çfarë informacioni hyn ose del. Materialet e huaja duke përfshirë filmat dhe librat janë të ndaluara, me vetëm disa përjashtime të sanksionuara nga shteti; ata që kapen me kontrabandë të huaj shpesh përballen me dënime të rënda.

Kufizimet u zbutën disi në dekadat e fundit ndërsa marrëdhëniet e Koresë së Veriut me Kinën u zgjeruan.

Por situata në Korenë e Veriut u përkeqësua në vitet në vijim dhe bisedimet diplomatike u shkatërruan – duke bërë që  rregullat strikte të kthehen  në vend.