Meloni mbërrin në Tiranë dhe niset me helikopter drejt Gjadrit, inspekton me Ramën punimet për kampin e refugjatëve (FOTO)
![](https://www.vovmagazine.al/wp-content/uploads/2022/02/56-2-150x150.png)
![Meloni mbërrin në Tiranë dhe niset me helikopter drejt Gjadrit, inspekton me Ramën punimet për kampin e refugjatëve (FOTO)](https://www.vovmagazine.al/wp-content/uploads/2024/06//meloni-mberrin-ne-tirane-dhe-niset-me-helikopter-drejt-gjadrit-inspekton-me-ramen-punimet-per-kampin-e-refugjateve-foto.jpg)
Kryeministrja italiane Giorgia Meloni u prit në Gjadër nga kryeministri Edi Rama, ministri i Brendshëm Taulant Balla dhe personeli italian i cili është angazhuar për punimet e kampit.
Meloni shoqërohet edhe nga ambasadori italian, Fabrizio Bucci.
Kryeministrja e Italisë mbërriti në aeroportin Nënë Tereza (ora 11:24) dhe nga aty u nis me helikopter drejt Gjadrit, ndërkohë kryeministri Edi Rama mbërriti me makinë.
Meloni dhe Edi Rama do të vizitojnë zonën e Gjadrit në Lezhë, që mbulon protokolli i bashkëpunimit Itali-Shqipëri për çështjet e migracionit.
Më pas në qendrën pritëse në Shëngjin do mbahet konferenca Rama-Meloni.
![](https://www.vovmagazine.al/wp-content/uploads/2024/06/meloni-mberrin-ne-tirane-dhe-niset-me-helikopter-drejt-gjadrit-inspekton-me-ramen-punimet-per-kampin-e-refugjateve-foto-666048d1993f7.jpg)
![](https://www.vovmagazine.al/wp-content/uploads/2024/06/meloni-mberrin-ne-tirane-dhe-niset-me-helikopter-drejt-gjadrit-inspekton-me-ramen-punimet-per-kampin-e-refugjateve-foto-666048d356a58.jpg)
![](https://www.vovmagazine.al/wp-content/uploads/2024/06/meloni-mberrin-ne-tirane-dhe-niset-me-helikopter-drejt-gjadrit-inspekton-me-ramen-punimet-per-kampin-e-refugjateve-foto-666048d4d03b5.jpg)
![](https://www.vovmagazine.al/wp-content/uploads/2024/06/meloni-mberrin-ne-tirane-dhe-niset-me-helikopter-drejt-gjadrit-inspekton-me-ramen-punimet-per-kampin-e-refugjateve-foto-666048d665ffc.jpg)
![](https://www.vovmagazine.al/wp-content/uploads/2024/06/meloni-mberrin-ne-tirane-dhe-niset-me-helikopter-drejt-gjadrit-inspekton-me-ramen-punimet-per-kampin-e-refugjateve-foto-666048d7d4774.jpg)
![](https://www.vovmagazine.al/wp-content/uploads/2024/06/meloni-mberrin-ne-tirane-dhe-niset-me-helikopter-drejt-gjadrit-inspekton-me-ramen-punimet-per-kampin-e-refugjateve-foto-666048d954e9f.jpg)
Vizita e kryeministres Meloni vjen në kuadër të Javës Italiane të Kulturës në Shqipëri, ndërkohë punimet për qendrën pritëse të emigrantëve në portin e Shëngjinit po shkojnë drejt fundit.
Të hënën më (3 qershor) në këtë qendër mbërriti edhe policia italiane, që do të dislokohet në Shëngjin për të garantuar sigurinë e refugjatëve.
Fillimi i protokollit të marrëveshjes për emigrantët pritet të nisë më 15 shtator, ku është parashikuar që 13.5 milion euro të shkojnë vetëm për marrjen me qira të anijes e cila do të shoqërojë emigrantë deri në portin e Shëngjinit.
Sipas marrëveshjes porti i zbarkimit do të jetë Shëngjini, ku do të ngrihet qendra e parë që do të shërbejë për identifikimin dhe regjistrimin e refugjatëve, ndërsa Gjadri do të jetë kampi për vendqëndrimin e tyre në pritje të përgjigjeve për kërkesat e azilit.
Qendra pritëse do të ketë një kapacitet 3 mijë vende. Në përfundim të procedurave të vlerësimit autoritetet italiane do t’i largojnë me shpenzimet e tyre emigrantët nga territori shqiptar.