YouTube ndalon të miturit të kenë akses në videot me armë!
![](https://www.vovmagazine.al/wp-content/uploads/2022/02/56-2-150x150.png)
![YouTube ndalon të miturit të kenë akses në videot me armë!](https://www.vovmagazine.al/wp-content/uploads/2024/06//youtube-ndalon-te-miturit-te-kene-akses-ne-videot-me-arme.jpeg)
YouTube ka zbatuar një ndryshim politikash që nga 18 qershori do të kufizojë moshën e disa videove të lidhura me armë dhe do të bllokojë tërësisht të tjerat. Videot që përfshijnë armë zjarri të improvizuara dhe automatike do të ndalohet për shikuesit nën moshën 18 vjeç, ndërsa mësimet për heqjen e pajisjeve të sigurisë do të ndalohen pavarësisht nga mosha.
“Duke filluar nga 18 qershori 2024, disa video që tregojnë se si të hiqen pajisjet e sigurisë do të ndalohen”-thuhet në një njoftim në faqen e politikave të YouTube për armët e zjarrit.
Video që tregon përdorimin e armëve të zjarrit të improvizuara, armëve automatike të zjarrit dhe aksesorëve të caktuar të armëve të zjarrit do të kufizohet për moshën.
Zëdhënësi i YouTube, Javier Hernandez, shkroi:
Këto përditësime të politikës sonë të armëve të zjarrit janë pjesë e përpjekjeve tona të vazhdueshme për të ruajtur politikat që pasqyrojnë gjendjen aktuale të përmbajtjes në YouTube. Për shembull, printimi 3D është bërë më i disponueshëm vitet e fundit, kështu që ne po zgjerojmë kufizimet tona për përmbajtjen që përfshin armë zjarri të improvizuara. Ne rishikojmë rregullisht udhëzimet tona dhe konsultohemi me ekspertë të jashtëm për t’u siguruar që po vendosim kufijtë e duhur.
Rikujtojmë se YouTube Music më në fund po zbulon një veçori që shumë përdorues e kanë pritur me padurim; aftësinë për të kërkuar këngë duke i kënduar ato. Kjo veçori u vu re në versionin e fundit të aplikacionit për Android dhe premton të lehtësojë gjetjen e këngëve.
Siç raportohet, funksioni ka qenë në testim nga marsi dhe tani është drejt prezantimit zyrtar. Teknologjia që qëndron pas tij përdor Al për të përshtatur tingujt me regjistrimet origjinale, duke e mundësuar identifikimin e shpejtë dhe të saktë të këngës. Pasi të zbulohet kënga, ajo shfaqet në ekran me titull, artisin që e këndon dhe vitin e publikimit. Gjithashtu, aty ofrohen edhe mundësi të ndryshme për ta luajtur ose ruajtur atë.