Meghan Trainor i është rikthyer muzikës. Këngëtarja publikoi albumin e saj të gjashtë të titulluar “Timeless”. Ai përmban këngët “Been Like This” me T-Pain dhe “To the Moon”, së bashku me 14 këngë të tjera, duke përfshirë “Crushin” dhe “Love on Hold” me T-Pain.

“TIMELESS është publikuar tashmë!!! Ky album do të thotë gjithçka për mua dhe tani është i yti,”-shkroi ajo në Instagram.
Trainor performoi “To the Moon” dhe “Been Like This”, dy këngë nga Timeless, në episodin e Today. “Timeless” shënon albumin e parë të saj që nga “Takin’ It Back” në tetor 2022. Meghan do të promovojë albumin me një turne të ri që fillon më 4 shtator në Cincinnati dhe përfundon më 19 tetor në Inglewood, Kaliforni.

Trainor ka mirëpritur së fundmi fëmijën e saj të dytë, praktikisht një djalë me bashkëshortin 31-vjeçar Daryl Sabara. Artistja e njohur ka postuar një galeri me foto të të porsalindurit në Instagram duke zbuluar edhe emrin në mbishkrimin e saj. “Më 1 korrik (7 vjetori i takimit tonë të parë) ne mirëpritëm Barry Bruce Trainor në botë”-shkroi ajo. Këngëtarja e “The All About That Base” dhe Sabara tashmë kanë një djalë të quajtur Riley, i cili është pothuajse dy vjeç. Ylli zbuloi shtatzëninë e saj në fund të janarit. Këngëtarja ka folur për shtatzëninë e dytë edhe në revistën People.

Çfarë bekimi. Unë jam shumë mirënjohëse që mund të mbetem shtatzënë. Kjo është e mahnitshme. Këto janë ëndrrat e mia. Jam në gjysmë të rrugës, dua katër fëmijë!

Meghan ka publikuar gjithashtu librin e saj të parë, “Dear Future Mama”, në të cilin foli për përvojat e saj të shtatzënisë së bashku me kontributet nga ekspertë të ndryshëm.

Unë jam një libër i hapur dhe më pëlqen t’u tregoj të gjithëve gjithçka për brengën time dhe të gjitha të vërtetat e mia.