Edhe në javën që po lëmë pas, Komisariati i Policisë Rrugore Tiranë ka bërë bilancin e arrestimeve, procedimeve penale, pezullimeve të lejeve të drejtimit, bllokimit të makinave e gjobave të vëna për shkeljet, në kuadër të garantimit të sigurisë rrugore. 11 vetë u arrestuan dhe u proceduan penalisht për drejtim mjeti nën ndikimin e alkoolit, mungesë patente, korrupsion aktiv e shkelje të rregullave të qarkullimit.

U vunë afro 12 mijë masa administrative, pjesa më e madhe për qëndrim të gabuar, si edhe për shpejtësi mbi normat e lejuara, mosvendosje e rripit të sigurimit e mosdhënie përparësi qytetarëve. Po ashtu, më shumë se 300 gjoba ishin për përdorim celulari gjatë drejtimit.

Arrestime dhe procedime penale:

Tre persona për drejtim mjeti nën ndikimin e alkoolit

Dy persona për pa leje drejtimi

Katër persona për shkelje të rregullave të qarkullimit

Dy persona për korrupsion aktiv

Masat administrative:

11.776 masa administrative të vendosura, mesatarisht 1,682 në ditë

32 masa për xhama të zinj

739 masa për shpejtësi mbi normat e lejuara

324 masa për përdorim celulari gjatë drejtimit

640 masa për mosvendosjen e rripit të sigurimit

24 masa për mosrespektim të sinjalit “Stop”

596 masa për mosdhënie përparësi qytetarëve

7908 masa për qëndrim të gabuar

Pezullime dhe bllokime:

Gjashtë raste pezullimi për drejtim nën ndikimin e alkoolit

Dyzet e tre raste për tejkalim shpejtësie

Nëntë raste të ndryshme

Shtatë automjete u bllokuan, përfshirë tre me targa të huaja