Sekretariati i Etikës përjashton me 10 ditë Flamur Nokën nga Kuvendi, pas seancës së tensionuar plenare në Kuvend të enjten.

Sekretariati i Etikës u mblodh pasi grupi i Partisë Socialiste kërkoi masë ndëshkimore për pesë deputetë të opozitës.

PS kërkoi masë për Gazmend Bardhin, Luan Baçin, Flamur Nokën, Edi Palokan dhe Ervin Salianjin.

Deputetët e opozitës mbajtën fjalime me tone të ashpra, ndërsa kërkesa për mocion me debat për emisionin Report në RAI3 u rrëzua të enjten.

Flamur Noka së bashku me deputetë të tjerë të opozitës bllokuan foltoren dhe më pas ndërhyri Garda.

Pas disa paralajmërimesh, kryetarja e Kuvendit Lindita Nikolla përjashtoi nga seanca Nokën.

Ndërsa në sallën e Kuvendit të Shqipërisë zhvillohej seanca plenare, jashtë saj mbështetës të opozitës protestonin duke u përplasur fizikisht me efektivët e policisë të vendosur para godinës.

Deputetët e opozitës kanë mbajtur fjalime me tone të ashpra ndërsa kërkesa për mocion me debat për emisionin Report në RAI3, u rrëzua.

Flamur Noka së bashku me të tjerë kolegë të tij të opozitës, bllokuan foltoren, duke u dashur më pas ndërhyrja e gardës. Pas disa paralajmërimesh, kryetarja e Kuvendit Lindita Nikolla ka përjashtuar nga seanca Nokën.

Edhe jashtë situata paraqitej e tensionuar, ku protestuesit pasi dogjën goma, hodhën molotov, gurë dhe shishe uji drejt efektivëve, nisën edhe përplasjet fizike me policinë, duke kërkuar që të çajnë kordonin dhe të futen në Kuvend.

Ndërkohë në oborrin e Kuvendit, FNSH rrinte në gatishmëri, nëse situata do të agravonte, e po ashtu të pozicionuara përballë protestuesve ishin edhe disa mjete që hedhin ujë.