Mbetjet e një avioni që mbante zv.presidentin e Malaui është gjetur pa të mbijetuar, ka thënë presidenti Lazarus Chakwera.

Saulos Chilima dhe nëntë të tjerë po fluturonin brenda vendit të hënën në mëngjes kur avioni i tyre u zhduk nga radarët e aeroportit. Avioni ushtarak po fluturonte në mot të keq. Ushtarët po kërkonin pyllin e Chikangaua në përpjekje për të gjetur avionin.

Në një konferencë shtypi të martën, presidenti Chakuera tha se komandanti i Forcave të Mbrojtjes së Malavi e informoi atë se operacioni i kërkim-shpëtimit ka përfunduar dhe avioni është gjetur.

Chakuera tha se ishte “thellësisht i pikëlluar dhe ndihej keq” për të informuar banorët e Malavisë për tragjedinë e tmerrshme. Ai tha se ekipi i shpëtimit e gjeti avionin të shkatërruar plotësisht.

Zv.Presidenti dhe Presidenti vijnë nga parti të ndryshme, por të dy u bashkuan për të formuar një aleancë gjatë zgjedhjeve të 2020.

Dr. Chilima, 51 vjeç, ishte rrugës për të përfaqësuar qeverinë në varrimin e ish-ministrit të qeverisë Ralph Kasambara, i cili vdiq katër ditë më parë.

Ish-Zonja e Parë Shanil Dzimbiri ishte gjithashtu në avion, që u nis nga kryeqyteti, Lilongwe, mëngjesin e së hënës.

Avioni ishte parashikuar të ulej në aeroportin në qytetin verior të Mzuzu, por u kthye mbrapsht për shkak të dukshmërisë së dobët. Dr.Chilima kishte qenë zv.President i Malaui që nga viti 2014.

Ai ishte shumë i dashur në Malaui, veçanërisht në mesin e të rinjve, raporton agjencia e lajmeve AFP. Megjithatë, Dr. Chilima u arrestua dhe u akuzua në vitin 2022 me pretendimet se ai pranoi para në këmbim të dhënies së kontratave qeveritare.

Muajin e kaluar, gjykata hoqi akuzat, duke mos dhënë asnjë arsye për vendimin. Dr Chilima ishte i martuar me dy fëmijë.