Ed Sheeran është shpallur artisti më i dëgjuar në Mbretërinë e Bashkuar për të shtatin vit radhazi, ndërsa artistët britanikë dominojnë një tabelë të re të hartuar nga kompania e licencimit të muzikës PPL. Kantautori me bazë në Suffolk kryeson listën për shumicën e këngëve të dëgjuara në radio, televizion britanik dhe në vende publike.

33 vjeçari  ka kryesuar të njëjtën listë në shtatë raste të ndryshme, duke shitur më shumë se 150 milionë disqe në të gjithë botën që nga shfaqja e tij me albumin debutues + në 2011. Duke pranuar pozicionin e tij, ai tha: “Faleminderit që më emëruat artistin më të dëgjuar për vitin e kaluar. Faleminderit për ekipin tim, jo vetëm për mua, por për të gjithë artistët e tjerë me të cilët punoj”. Paraqitja e tij e fundit në krye të tabelës PPL është e treta në po aq vite dhe e sheh atë duke lënë në hije yllin e popit, Taylor Swift.

Ylli britaniko-shqiptar Dua Lipa albumi i tretë i së cilës “Radical Optimism” u publikua në maj gjithashtu renditet në vendin e tretë. DJ dhe producenti skocez, Calvin Harris, puna e të cilit përfshin bashkëpunime me Lipën, Rita Orën dhe Rihanën zë vendin e katërt. Në vendin e pestë, DJ francez David Guetta është i vetmi artist jo britanik në gjashtë vendet e para, me Sir Elton John që renditet në vendin e gjashtë.

Së fundmi ylli kanadez Sheeran zbuloi se si arriti t’i dhuronte këngën e tij hit “Love Yourself” këngëtarit Justin Bieber, përpara se ta performonte në Hard Rock Live. Sheeran zbuloi se kënga që ai shkroi gjatë përgatitjes për albumin e tij të tretë në studio, Divide më vonë iu dha Justin për shkak të reagimit që pati një mik dhe familja e tij.

“Kjo është një këngë kur po shkruaja Divide, po shkruaja shumë këngë për shumë gjëra të ndryshme dhe e shkrova këtë këngë dhe sinqerisht, ua luajta njerëzve dhe ata reaguan, Meh”-u shpreh ai. Megjithatë, mospranimi i këngës nga një mik e bëri 33-vjeçarin t’ia dhuronte këngën Justin Bieber, i cili e ktheu atë në një hit brenda natës.