Gjatë transmetimit ‘Live’ për Top Arena mbrëmjen e kaluar, gazetari dhe ish-banori i BBV Bled Mane tregoi se si personazhe të njohur të showbizit shqiptar tentuan të marrin vëmendjen e mediave të huaja në stadium, por pa sukses.

Gazetari përmendi emra të njohur si Luana Vjollca dhe Hygerta Sako, të cilat sipas tij kërkonin të kopjonin imazhin ikonë të Rike Roçit.

“Desha të kujtoja atë foton e famshme të Rikes. Ndërkohë po tregoj një histori të vogël në Hamburg gjatë ndeshjes me Kroacinë. Në pushim të pjesës së parë kam parë ca skema që jam shqetësuar shumë.

Pashë tre vajza shqiptare që mundoheshin ta imitonin Riken por nuk tërhoqën vëmendjen e fotoreporterëve të huaj. Pashë Luana Vjollcën që përdridhej, Hygerta Sakon që s’përdridhej, atë kosovaren Muren që përdridhej dhe nuk tërhoqën vëmendje. Foto- reportërët janë lodhur nga silikoni dhe duan vetëm bio”-tha Mane.