Fatkeqësisht ka ndërruar jetë si pasojë e disa të shtënave me armë zjarri reperi Julio Foolio. 26-vjeçari ishte duke festuar ditëlindjen kur ai dhe 3 të tjerë u qëlluan në një parking në Tampa.  Reperi, emri ligjor i të cilit është Charles Jones, kishte dalë për të festuar ditëlindjen e tij të 26-të në vende që i kishte shpallur publikisht në mediat sociale përpara se ai dhe tre të tjerë të qëlloheshin në një parking.

Policia e Tampës thotë se ata morën një telefonatë 911 për të shtëna në adresën e një hoteli Hilton rreth orës 4:40 të mëngjesit me orën lokale dhe gjetën dy automjete që ishin qëlluar. Nga të shtënat kanë mbetur të plagosur katër persona, ndërsa tre janë në gjendje të mirë dhe po trajtohen në spital, sipas policisë.

Policia thotë se njeriu që u qëllua për vdekje besohet të jetë Jones, por identifikimi është në pritje të konfirmimit nga eksperti mjekësor. Avokati i reperit konfirmoi për stacionin lokal të lajmeve WTSP se Jones u qëllua dhe u vra. Fusco tha se Jones po festonte ditëlindjen e tij në një Airbnb me qira, por iu kërkua të largohej sepse kishte shumë njerëz në rezidencë dhe se më pas ai shkoi në Holiday Inn ku i zunë pritë.

Foolio ka gati një milion dëgjues mujor në Spotify, ku kënga e tij më e dëgjuar është Voo Doo. Ai thuhet se ka qenë i hapur për lidhjet e tij me bandat, sipas medieve lokale. Policia i ka kërkuar publikut të japë çdo informacion që mund t’i ndihmojë në hetimin e tyre.