“A më do më?”, përballen më në fund Afrona dhe Blero pas ndarjes së tyre!
![](https://www.vovmagazine.al/wp-content/uploads/2022/02/56-2-150x150.png)
![“A më do më?”, përballen më në fund Afrona dhe Blero pas ndarjes së tyre!](https://www.vovmagazine.al/wp-content/uploads/2024/06//a-me-do-me-perballen-me-ne-fund-afrona-dhe-blero-pas-ndarjes-se-tyre.jpg)
Rreth katër vite më parë Afrona Dika dhe Blero Muharremi kurorëzuan dashurinë e tyre në martesë. Por pas dy vitesh ata vendosën që t’i jepnin fund lidhjes së tyre. Në atë kohë ata bënin postime të ndryshme në rrjetet sociale, duke akuzuar njëri-tjetrin për arsyen e divorcit.
Por një ditë më parë në “Youtube” është publikuar podkasit “Talk With Afrona”, ku i ftuari i radhës ishte pikërisht këngëtari i njohur, ku çifti tregoi për herë të parë arsyen e ndarjes së tyre. Si Blero ashtu edhe Afrona pranuan se kanë patur faj që martesës së tyre i erdhi fundi. Gjithashtu këngëtari i kërkoi falje disa herë ish-bashkëshortes së tij për të gjitha gjërat që ka thënë kundër saj.
Ata u shprehën se nuk e kanë patur të lehtë ndarjen, por tani mllefi që ata kanë patur kundrejt njëri-tjetrit ka kaluar dhe i uruan njëri-tjetrit vetëm të mira.
Në këtë bashkëbisedim nuk munguan lotët, të qeshurat, pyetjet për vajzën e Bleros, por edhe pyetje ngacmuese. Në një moment gjatë bashkëbisedimit, Blero e pyet Afronën
Blero: A më dol hala?
Afrona: Joo, Blerim. Humor i zi, tipik ti
E pasi patën një shkëputje të shkurtër, kur iu rithyen bashkëbisedimit Blero e ngacmon sërish:
Blero: E lamë te pyetja ime që nuk u përgjigje
Afrona e anashkalon kësaj radhe pyetjen dhe nis e flet për gjëra të tjera.