Filmi “Shrek 5” do të shfaqet vitin e ardhshëm, sipas Eddie Murphy. Kanë kaluar 23 vjet që kur u shfaq premiera e filmit të parë me përbindëshin e vetmuar dhe tani një tjetër pjesë e ekskluzivitetit të animuar mund të jetë gati shumë më shpejt sesa mendojnë fansat. Në një intervistë me Collider përpara publikimit të ‘Beverly Hills Cop: Axel F’, Eddie Murphy konfirmoi se një film i ri është me të vërtetë në punë.

Eddie Murphy thotë se mendon se ‘SHREK 5’ do të dalë në vitin 2025. “Ne filluam të bëjmë Shrek 4 ose 5, 5 muaj më parë. E bëra këtë, e regjistrova pjesën e parë dhe do ta bëjmë këtë vit, do ta përfundojmë”-tha aktori, humoristi, regjisori dhe këngëtari amerikan. “Shrek po vjen dhe Donkey do të ketë filmin e tij. Pra, ne do të bëjmë një film Shrek”.

Eddie Murphy says he thinks ‘SHREK 5’ will release in 2025.

He has begun recording his lines for the film.

(Source: https://t.co/B3kTvwIdeo) pic.twitter.com/x8PpY6XDRc

— DiscussingFilm (@DiscussingFilm) June 24, 2024

I pyetur nëse po xhironte për të dy filmat në të njëjtën kohë, aktori shpjegoi: “Jo, jo në të njëjtën kohë. Unë kam filluar regjistrimin për filmin Shrek, mendoj se do të dalë në vitin 2025 dhe ne do të bëjmë filmin Donkey”. Në vitin 2023, Variety raportoi se Universal po konsideronte një film të pestë “Shrek” me kastin origjinal të Murphy, Mike Myers dhe Cameron Diaz.