Brenda Powell u vra më 3 mars 2020 në shtëpinë e saj në Akron, Ohio, ku ajo kishte jetuar me burrin e saj, Steven. Policia u thirr në vendngjarje pas një raportimi nga Universiteti i Mount Union ku disa anëtar të stafit teksa kishin qenë duke folur në telefon me Brendan dëgjuan ulërima në anën tjetër të linjës duke e lajmëruar se vajza ishte përjashtuar nga kolegji.

Zyrtarët në shkollë u përpoqën të thërrisnin Brendan por asnjë nuk po përgjigjej derisa në një moment një zë gruaje u përgjigj duke pretenduar se ishte ajo. Megjithatë, Michelle Gaffney, Dekane e Asociuar e Studentëve, më vonë dëshmoi:

Nuk ishte Brenda.

Gaffney ngriti dyshimet se në të vërtetë ishte vajza e Brenda dhe Steven, Sydney, e cila u përgjigj në telefon pas ulërimave, por telefonata u mbyll kur ajo u përpoq të përballej me të. Pamjet e marra pas incidentit treguan momentin kur Steven po merrej në pyetje nga policia për incidentin përpara se të mësonte se gruaja e tij nuk kishte mbijetuar dot nga plagët e marra.

Babai i shkatërruar ka vendosur duart në kokë kur mësoi për vdekjen e Brendas, duke pyetur policinë se çfarë kishte ndodhur. Policia më pas tregoi se po dyshonin për Sydney-n që mund të ishte e përfshirë në sulm, duke pyetur nëse vajza dhe gruaja e tij ishin grindur ndonjëherë më parë.

Kur oficerët u larguan nga dhoma, Steven tha se Sydney do të duhet të shkonte në burg përgjithmonë. Pas një hetimi, prokurorët pretenduan se 19-vjeçarja e kishte goditur nënën e saj me një tigan hekuri dhe e kishte goditur me thikë gati 30 herë në qafë pasi ajo zbuloi se ishte përjashtuar nga kolegji.

Sydney, e cila që atëherë është diagnostikuar me skizofreni, u deklarua e pafajshme për shkak të çmendurisë për vrasjen dhe në shtator 2023 ajo u dënua me 15 vjet burgim ose deri edhe në burgim të përjetshëm për vrasjen nëse nuk fiton lirinë me kusht. Megjithatë, Steven i ka kërkuar një gjyqtari që të rishqyrtojë dënimin.

Pavarësisht nga rrethanat rreth vdekjes së Brenda-s, Steven shkroi në një letër drejtuar Gjykatës së Qarkut Summit të Kërkesave të Përbashkëta se një dënim i përjetshëm nuk do të kishte qenë ajo që gruaja e tij do të dëshironte për vajzën e tyre.

Steven kërkoi që Sydney të dërgohej në një institucion të shëndetit mendor pasi shëndeti i saj mendor është prioriteti kryesor. Sydney ka shprehur planet për të apeluar dënimin e saj.