Në një përditësim të ri, Instagram ka rinovuar mënyrën se si shfaqen pëlqimet, komentet dhe shpërndarjet në të gjitha postimet – jo vetëm në Reels.

Tani, numri i ndërveprimeve shfaqet direkt nën çdo postim, duke pasqyruar një stil të ngjashëm me Twitter.

Ky ndryshim ka bërë që shumë përdorues të vërejnë se Instagram po kombinon gjithnjë e më shumë elementë nga Twitter dhe TikTok. Megjithatë versioni i ri momentalisht po testohet në një numër të vogël përdoruesish.

Të tjerë e kritikojnë Instagram-in se “harxhon energjitë në gjëra të panevojshme” kur në fakt problemi i tyre më i madh është algoritmi dhe “mbyllja e njërit sy” përsa i përket kontenteve me përmbajtje eksplicite.