Pavarësisht se Nemo “rrëmbeu” trofeun zvicerianët shprehen kundër organizimit të Eurovisionit në vendin e tyre!
![](https://www.vovmagazine.al/wp-content/uploads/2022/02/56-2-150x150.png)
![Pavarësisht se Nemo “rrëmbeu” trofeun zvicerianët shprehen kundër organizimit të Eurovisionit në vendin e tyre!](https://www.vovmagazine.al/wp-content/uploads/2024/07//pavaresisht-se-nemo-rrembeu-trofeun-zvicerianet-shprehen-kunder-organizimit-te-eurovisionit-ne-vendin-e-tyre.jpeg)
Pothuajse gjysma e banorëve të Zvicrës kanë mendim negativ për mbajtjen e Eurovisionit në vendin e tyre, sipas rezultateve të një sondazhi të publikuar nga gazeta Blick.
Një sondazh përfaqësues me pothuajse 25 mijë njerëz zbuloi se 49% ishin qartësisht ose disi kundër mbajtjes së konkursit muzikor, ndërsa 46% ishin qartësisht ose disi pro. Ndërkaq, 5% nuk kanë ende asnjë mendim.
Sipas Blick, mund të ketë të bëjë edhe me faktin që Nemo identifikohet si një person jobinar dhe preferon përemrat ata/ato. Fitorja e Nemo në një nga skenat më të mëdha të Evropës ndezi një debat nëse një gjini e tretë duhet të regjistrohet në Zvicër.
Nemo Mettler fitoi kompeticionin muzikor Eurovision me këngën e tij ‘The Code’. Ai përfundoi me 591 pikë, 365 nga juria dhe 226 nga publiku. Kjo shumë ishte mjaftueshëm për t’i dhënë atij trofeun. Fatkeqësisht, trofeu vetë nuk e pati të gjatë pasi Nemo e theu atë disa minuta pasi e mori.
Ai gjithashtu është fituesi i parë i gjinisë jobinare në historinë e Eurovision, një moment i rëndësishëm për eventin dhe mesazhin që ai dëshiron të përcjellë, pasi Eurovision gjithmonë ka mbështetur barazinë dhe përfshirjen e komunitetit LGBTQ+.
Nemo u bëri thirrje autoriteteve zvicerane të njohin një gjini të tretë, gjininë asnjanëse. “Nuk ka gjini të tretë në Zvicër dhe mendoj se kjo është krejtësisht e papranueshme. Ne duhet ta ndryshojmë këtë”-tha ai.
Gazetarët më pas e pyetën se kë do të telefononte të parin pasi të fitonte, ai u përgjigj se do të telefononte Beat Jans, ministrin zviceran të drejtësisë. “Ne duhet të përfaqësohemi edhe në politikë. Është vërtet e rëndësishme që njerëzit të ndihen të pranuar”-tha ai, duke shtuar se shpreson të organizojë një takim me ministrin për të diskutuar të drejtat e njerëzve jo-binarë.