Alternime kthjellimesh dhe vranësirash, temperaturat pësojnë rënie
![](https://www.vovmagazine.al/wp-content/uploads/2022/02/56-2-150x150.png)
![Alternime kthjellimesh dhe vranësirash, temperaturat pësojnë rënie](https://www.vovmagazine.al/wp-content/uploads/2024/07//alternime-kthjellimesh-dhe-vranesirash-temperaturat-pesojne-renie.jpeg)
Vijojnë kushtet e paqëndrueshme atmosferike në vendin tonë, duke bërë që alternime kthjellimesh dhe vranësirash të shpeshta të dominojnë deri në mesditë kur pritet shtim i vranësirave duke gjeneruar reshje shiu si fillim në zonat veriore dhe gradualisht në të gjithë territorin. Pjesa e dytë e ditës do të dominohet nga kthjellime të shkurta dhe vranësira të shpeshta, duke sjellë herë pas here shira lokalë.
Temperaturat e ajrit do të pësojnë sërish rënie në të dy vlerat ekstremale ditore duke u luhatur nga 12°C vlera më e ulët e shënuar në qytetin e Tropojës deri në 33°C vlera më e lartë që pritet në qarkun e Beratit.
Era do të fryjë mesatare në tokë dhe e fortë në det me shpejtësi mbi 40 km/h nga drejtimi Verior – Veriperëndimor, duke sjellë në brigjet detare dallgëzim 2 – 3 ballë.