Thiago Alcantara do të tërhiqet nga futbolli aktiv. Mesfushori spanjoll ka vendosur të varë këpucët në gozhdë në moshën 33-vjeçare. Edhe pse fare mirë mund të luante edhe disa sezone, në futbollin europian ose jashtë kontinentit të vjetër.

Me kombëtaren e Spanjës zhvilloi 46 ndeshje (2 gola). Ndërkohë që u aktivizua e fitoi me tri nga skuadrat më të mëdha në planet. 10 trofe me Barcelonën, klubin ku u rrit, 15 me Bayern Munich dhe 2 me Liverpool-in, skuadër ku kaloi vitet e fundit të karrierës fantastike.

Ndërkohë që të gjithë pritnin të mësonin ekipin e tij të radhës për përfundimit të aventurës në “Anfield”, Thiago ka zgjedhur të tërhiqet. I lindur në Itali, me origjinë braziliane dhe i rritur në Spanjë. Thiago ishte një mesfushor brilant, ndër më të talentuarit e brezit të tij me 534 ndeshje zyrtare, 50 gola dhe 27 trofe.

Pas ndeshjes së fundit me kombëtaren gjermane në Euro 2024, Toni Kross ka “varur zyrtarisht këpucët në gozhdë” duke u tërhequr nga futbolli. Një nga mesfushorët më të mirë në historinë e futbollit, luajti ndeshjen e fundit në karrierën e tij, në Shtutgart, ku Spanja eliminoi Gjermaninë në çerekfinale. Pasi konfirmoi pak kohë më parë përfundimin e rrugëtimit nga Real Madrid pas përfundimit të sezonit 2023/24, tani Kross largohet dhe nga kombëtarja gjermane duke mbyllur rrugëtimin e tij në sportin që e respektonte çdo kundërshtar.

Në profilin e tij në rrjetet sociale, ai ka postuar një letër lamtumire ndërsa falenderon të gjithë shokët e skuadrës dhe tifozët që e kanë mbështetur në çdo hap.

Një falënderim i veçantë për të gjithë ju që e keni bërë këtë Europian në shtëpi diçka të veçantë. Të kemi parë, kemi jetuar dhe ndjerë. Në nivel personal, do të doja t’ju falënderoja për ngrohtësinë dhe dashurinë vërtet të veçantë të javëve të fundit. Ka qenë shumë e veçantë.