Sulm i ri masiv rus në Ukrainë. Sulmet e mëngjesit të së hënës në Kiev dhe qytete të tjera lanë të paktën 29 të vdekur, por numri vazhdon të rritet.

“Informacioni është duke u verifikuar”, tha administrata ushtarake e Kievit në Telegram. Raketat dëmtuan infrastrukturën, ndërtesat tregtare dhe rezidenciale dhe objektet e kujdesit shëndetësor. Sulmi në kryeqytet ishte një nga më të rëndat që nga fillimi i pushtimit rus në shkurt 2022.

Disa qytete të bombarduara

“Terroristët rusë kanë nisur përsëri një sulm masiv me raketa në Ukrainë. Disa qytete Kiev, Dnipro, Kryvyi Rih, Slovyansk, Kramatorsk. Më shumë se 40 raketa të llojeve të ndryshme. Ndërtesa banimi, infrastruktura dhe një spital për fëmijë u dëmtuan. Në sulmin kundër Kryeqytetit, njoftoi Forcat Ajrore e Ukrainës, u përdorën gjithashtu raketa hipersonike Khinzal, të cilat fluturojnë me më shumë se dhjetë herë shpejtësinë e zërit për të kapërcyer mbrojtjen dhe radarët rrëzuan 30 nga 38 raketat e lëshuara nga Rusia.

Të gjitha shërbimet janë të përkushtuara për të ndihmuar sa më shumë njerëz”, shkruan presidenti ukrainas, Volodymyr Zelensky, në rrjetin social, duke shprehur vendosmërinë e tij për t’i dhënë fund bastisjeve ruse. Putini sjell vrasje. Vetëm së bashku mund të sjellim paqen dhe sigurinë e vërtetë”.

“Të paktën 11 persona u plagosën mëngjesin e sotëm në lagje të ndryshme të Kievit pas sulmit me raketa të lëshuar nga forcat ruse”, konfirmoi kryebashkiaku i kryeqytetit, Vitali Klitschko, në Telegram, duke shtuar se 6 prej tyre janë shtruar në spital.

Reagimi i ministrit të Jashtëm italian Antonio Tajani është i ashpër dhe ai e ka akuzuar në mënyrë direkte Putinin për krime lufte. “Jam befasuar nga imazhet e bombardimeve në Kiev, të cilat goditën edhe një spital pediatrik”, lexojmë në një postim të shpërndarë nga Tajani në X.

“Krimet e luftës duhet të dënohen nga i gjithë komuniteti ndërkombëtar. Qeveria do të vazhdojë të mbrojë sovranitetin e Ukrainës dhe popullit të saj”.