Sipërfaqet kullosore në Malin e Gjerë, në zonën mes Delvinës dhe Gjirokastrës vazhdojnë të jenë të përfshira nga zjarri. Si shkak i terrenit të thyer dhe malor është e pamundur të ndërhyet me automjete zjarrfikës.

Një grup zjarrfikësish nga Gjirokastra, rreth 25 efektivë ecën për disa orë me këmbë për të arritur në zonën e përfshirë nga zjarri. Ata janë të pajisur me pompa shpine dhe mjete të tjera rrethanorë për shuarjen e zjarreve.

Fillimisht vatra e zjarrit u shfaq në Rezervatin e Rëzomës në Bashkinë Delvinë ndërsa ditën e sotme ka ardhur duke u zgjeruar përgjatë Malit të Gjerë.