Prokurorë e gjyqtarë amerikanë në SPAK/Mesazhe kundër pandëshkueshmërisë!
![](https://www.vovmagazine.al/wp-content/uploads/2022/02/56-2-150x150.png)
![Prokurorë e gjyqtarë amerikanë në SPAK/Mesazhe kundër pandëshkueshmërisë!](https://www.vovmagazine.al/wp-content/uploads/2024/07//prokurore-e-gjyqtare-amerikane-ne-spak-mesazhe-kunder-pandeshkueshmerise.jpg)
Një delegacion me personalitete të drejtësisë së Shteteve të Bashkuara të Amerikës vizitoi SPAK-un. Sipas një njoftimi zyrtar të selisë diplomatike të Uashingtonit, prokurorë e gjyqtarë takuan numrin një të Prokurorisë së Posaçme Kundër Korrupsionit dhe Krimit të Organizuar, Altin Dumani, si dhe të tjerë prokurorë specialë.
Sipas informacionit zyrtar, amerikanët theksuan rëndësinë e ndjekjes penalisht me integritet dhe profesionalizëm, për të luftuar korrupsionin, krimin e organizuar dhe pandëshkueshmërinë.
Shtetet e Bashkuara të Amerikës përsërisin qëndrimin se janë krenare që mbështesin SPAK-un dhe institucionet e tjera të drejtësisë, të cilat po ndërtojnë një demokraci më të fortë për popullin shqiptar.
Postimi:
Një delegacion me personalitete të drejtësisë amerikane vizitoi SPAK-un, ku u takua me kreun Altin Dumani e prokurorët për të diskutuar mbi përpjekjet e vazhdueshme për forcimin e pavarësisë së gjyqësorit dhe shtetit të së drejtës.
Grupi përfshin të nderuarën Trina Higgins, Prokurore e Shteteve të Bashkuara të Amerikës, SHBA për Distriktin e Utah-s; Kryegjyqtarin Robert Shelby nga Gjykata e Qarkut të Utah; si dhe gjyqtaren Paige Petersen e Gjykatës së Lartë të Utah.
Ata nënvizuan se sa e rëndësishme është të ndjekësh penalisht me integritet dhe profesionalizëm për të luftuar korrupsionin, krimin e organizuar e pandëshkueshmërinë. Shtetet e Bashkuara të Amerikës janë krenare që mbështesin SPAK dhe institucionet e tjera të drejtësisë të cilat po ndërtojnë një demokraci më të fortë për popullin shqiptar.
![](https://www.vovmagazine.al/wp-content/uploads/2024/07/prokurore-e-gjyqtare-amerikane-ne-spak-mesazhe-kunder-pandeshkueshmerise-668e3e797930a.jpg)