Romeo Veshaj dhe Elvis Myrta krijuan një shoqëri shumë të ngushtë në ‘Big Brother VIP’. E kur doli jashtë Lisi u prit nga dy vëllezërit Veshaj, me porosinë e Romeos nga shtëpia.

Mirëpo, javët e fundit ka pasur aludime për një krisje të raportit. Kjo pasi Romeo dhe Lisi nuk ndiqen më në Instagram. Më pas, gjatë një video live me Egla Cenon, i pyetur nëse ka folur me Romeon, Lisi tha thjesht “Jo”.

Por, si janë gjërat mes tyre?

I ftuar mbrëmjen e djeshme në “Top Arena”, Lisi u pyet nëse është takuar me Romeon apo me Heidin, duke pohuar se janë takuar por tha se takimet nuk kanë qenë të shpeshta:

“Po, takohemi, po jo shumë shpesh. Sepse është periudha e verës tani. Unë kam filluar të merrem me gjërat e mia, i jam rikthyer punës sime, madje kam harruar që kam qenë në Big Brother…” – tha Lisi, duke theksuar se nuk është zënë me Romeon: “Pse kush tha që nuk jemi takuar? Kanë dalë lajme ‘jemi zënë, nuk jemi zënë’. Mos i besoni ato”.