Donald Trump ka falënderuar mbështetësit e tij për “mendimet dhe lutjet” e tyre në komentin e dytë publik që nga tentativa për vrasjen e tij dje.

 “Ishte vetëm Zoti që parandaloi të ndodhte e paimagjinueshmja. Ne NUK do të kemi frikë, por përkundrazi do të qëndrojmë rezistent në besimin tonë dhe sfidues përballë ligësisë,” shkroi ish-presidenti në një postim në Truth Social.

“Ne lutemi për shërimin e atyre që u plagosën dhe mbajmë në zemrat tona kujtimin e qytetarit që u vra në mënyrë të tmerrshme,” tha ai, duke shtuar se tani është më e rëndësishme se kurrë “që të qëndrojmë të bashkuar”.

“Unë me të vërtetë e dua vendin tonë dhe ju dua të gjithëve dhe mezi pres të flas me Kombin tonë të Madh këtë javë nga Wisconsin.”

20-vjeçari Thomas Matthew Crooks ishte vetëm 120 metra larg Donald Trump kur qëlloi me armë zjarri drejt tij teksa ai po mbante fjalimin në Butler, Pensilvani.

Sikurse duket e shpjeguar në foton e mëposhtëme, autori ishte zvarritur në çati sipas dëshmitarëve, të cilët e panë atë pak minuta para se ai të qëllonte drejt Trum, duke e kapur atë në veshin e djathtë.

20-vjeçari ishte një votues i regjistruar republikan. Incidenti po hetohet si atentat, sipas njoftimeve të mediave, dhe mund të intensifikojë dhe komplikojë më tej garën presidenciale. Trump konfirmoi në një deklaratë të publikuar në faqen e tij të mediave sociale, se autori i sulmit u vra, ashtu si edhe një pjesëmarrës në tubim. Dy persona të tjerë janë plagosur, sipas një deklarate të Shërbimit Sekret.

Trump falënderoi Shërbimin Sekret dhe forcat e zbatimit të ligjit për punën e tyre.