Kreu i SPAK, Altin Dumani thotë se hetimet me natyrë korruptive ku janë të përfshirë edhe zyrtarë të lartë janë shumë komplekse, duke iu referuar hetimeve për inceneratorët.

Si drejtues i SPAK, Dumani u shpreh se me aq sa e lejon ligji ka bërë përpjeke për të nxitur prokurorët për evadimin e çështjeve.

“Është një krim intelektual dhe intelektuali para se të kryejë krimit mundohet ta fshehë. Për cëshjen konkrete cështja është në hetim paraprak”, the nder te tjera Dumani.

Ndërsa sa i takon hetimeve për abuzimet me fondet e IPARD, edhe per kete kreu i Prokurorise se Posaçme u shpreh se është në hetim dhe nuk mund të japë detaje.

Bardhi: Pyetje tjetër ka të bëjë me disa kallëzime, i referohem hetimeve për inceneratorin e Tiranës. Kallëzimi jonë është dorëzuar në 2020, jemi në 2024 dhe nuk ka një përfundim të hetimeve. Në çfarë momenti ndodhen hetimet? A mund të na informoni çfarë po bëhet me këtë hetim?

Dumani: Dua të kuptojmë kush është roli i drejtuesit të SPAK. Nuk kam asnjë kompetencë në raport me hetimin e cështjeve penale. Drejtuesi i SPAK mund të ndërhyje me anë të një udhëzimi dhe e kam bërë në dy raste ku kam patur një mendim ndryshe. Çështjet e mbartura është një problematikë. Si drejtues i SPAK, me aq sa më lejon ligji kam bërë përpjeke për të nxitur prokurorët për evadimin e çështjeve. Si drejtues i kam ofruan ndihmën time duke shtuar një prokuror. Gjatë 2023 ka patur edhe çështje që kanë filluar të evadohet. Hetimi nuk është i thjeshtë sa prezantohet. Sidomos kur vjen puna për krime me natyre korruptive. Është një krim intelektual dhe intelektuali para se të kryejë krimit mundohet ta fshehë. Për cëshjen konkrete cështja është në hetim paraprak. Është në hetim dhe po hetohet. Çdo fakt i kallëzuar verifikohet. Është shumë kompleks. Vetëm prokurori që merret me çështjen e di sa kompleks është.

Bardhi: Ju keni marrë një raport nga zyra e OLAF për abuzimet me fondet e bujqësisë. Për shkak të abuzimeve fondet janë bllokuar nga BE në pritje të hetimeve. A mund të na thoni ka nisur hetim SPAK dhe a mendoni se do kemi rezultate të shpejta?

Dumani: Për fondet IPARD është në hetim dhe nuk do jap detaje. Cështja është në hetim sa i takon menaxhimit të fondeve. Po hetohet cdo ditë. Nuk mund të jap më shumë detaje.