Europiani i rekordeve të Yamal, adoleshenti i Barcelona-s mahniti botën!
![](https://www.vovmagazine.al/wp-content/uploads/2022/02/56-2-150x150.png)
![Europiani i rekordeve të Yamal, adoleshenti i Barcelona-s mahniti botën!](https://www.vovmagazine.al/wp-content/uploads/2024/07//europiani-i-rekordeve-te-yamal-adoleshenti-i-barcelona-s-mahniti-boten.jpg)
Lamine Yamal i bëri vetes dhuratën më të bukur të datëlindjes, duke marrë medaljen e kampionit të Europës me Spanjën e tij. Në moshën 17 vjeç e një ditë, adoleshenti i Barcelona-s jo vetëm u bë lojtari më i ri që luan në finalen e një Europiani, por edhe që e fiton atë duke qenë protagonist.
Yamal dha asistin e golit të parë për Nico Williams, me një pasim fantastik, që i dha mundësinë sulmuesit të Bilbaos që të gjente rrjetën. Asisti i katërt për të në këtë Europian, ndërkohë që ka shënuar një gol spektakolar ndaj Francës. Yamal ka kontribuar në këtë edicion në 5 gola, po aq sa dhe Dani Olmo, duke qenë një nga më të dalluarit. Europiani i parë për të shkoi në mënyrën më të mirë të mundshme dhe te Barcelona besojnë se mund të jetë pasuesi i Leo Messi-t.
![](https://www.vovmagazine.al/wp-content/uploads/2024/07/europiani-i-rekordeve-te-yamal-adoleshenti-i-barcelona-s-mahniti-boten-66966a4066a99.jpg)
17-vjeçari, ka thyer shumë rekorde në këtë Europian, madje duke lënë pas dhe legjendën Pele, teksa u bë lojtari më i ri që luan në një komepticion madhor. I aktivizuar në gjashtë ndeshje, adoleshenti i Spanjës krijoi më shumë shanse për shënim, plot 19 të tilla, si asnjë lojtar tjetër. Nga këto raste 8 ishin tejet të rrezikshme. Me katër assite, Lamine Yamal është lojtari me më shumë asiste në këtë Kampiopant Europian, por në anën tjetër kërcënon dhe rekordin e Cristiano Ronaldos që në historinë e Europianit ka 7 assite, shifër e arritur pikërisht në këtë Euro2024.Nëse gjërat shkojnë mirë, atëherë Yamal mund të jetë “ylli” i së ardhmes dhe mund të marrë skenën pas Messi-t dhe Ronaldo-s.
![](https://www.vovmagazine.al/wp-content/uploads/2024/07/europiani-i-rekordeve-te-yamal-adoleshenti-i-barcelona-s-mahniti-boten-66966a435dab6.jpg)
Ju rikujtojmë se, Lamine Yamal dhe e dashura e tij Alex Padilla festuan së bashku “kurorëzimin” e Spanjës si mbretëreshë e Evropës. Adoleshenti Lamine Yamal, i cili hyri në historinë e Europianit, është fotografuar me Alex Padilla teksa pozojnë së bashku, ndërsa e dashura e tij mban Kupën në botë. Padilla mban veshur fanellën e kombëtares spanjolle me nr.19 të Lamines teksa ka pozuar me superyllin, i cili u vlerësua si lojtari i ri i turneut në Gjermani. Dyshja shihen mjaft të afërt me njëri-tjetrin duke konfirmuar thashethemet se ajo është me të vërtetë e dashura e yllit të Barcelonës.