Në zgjedhjet e 4 gushtit për bashkinë e Himarës do të kenë të drejtën e votës 23 mijë e 74 zgjedhës, sipas listës së përpiluar nga Drejtoria e Përgjithshme e gjendjes civile.

Nisur nga ky numër i himariotëve me të drejtë vote, KQZ miratoi këtë të shtunë edhe numrin e fletëve të votimit, që do të jenë 2% më shumë sesa numri i zgjedhësve dhe do të jenë 36 Qendra Votimi.

Sipas KQZ do të prodhohen 2% më shumë fletë se sa numri i votuesve, pra 23.535 fletë votimi.

Numri i fletëve të votimit do të jetë numri i zgjedhësve shtuar 2%, 23.535 fletë votimi.

Zgjedhjet e 4 gushtit po zhvillohen nën klimën e përplasjeve mes opozitës dhe maxhorancës për shkak të heqjes së mandatit të Fredi Belerit.

Në garë janë Vangjel Tavo i PS dhe Petro Gjikuria i opozitës që ka premtuar të çojë para axhendën e Belerit.