Roma në Serie A po bën hapa të rëndësishëm për stadiumin e ri. Sot, drejtuesit e klubit verdhekuq, të përfaqësuar nga zëvendëspresidenti Ryan Friedkin dhe CEO Souloukou, u takuan me kryetarin e bashkisë së Romës, Roberto Gualtieri, për të diskutuar planet për stadiumin e ri.

Objekti, i cili do të ndërtohet në Pietralata (me një afat të caktuar për vitin 2027), do të ketë një kapacitet total prej 55,000 vendesh, i cili mund të zgjerohet në 62,000.

Pas takimit, klubi i Romës prezantoi projektin e ri përmes një videoje e cila ngjalli një reagim entuziast, duke shfaqur vizionin unik dhe dizajnin modern të stadiumit të ri.

Në zemër të këtij vizioni është zona e re e tifozëve (hapësira e jugut), i vendosur për t’u bërë më i madhi në Evropë.

“Do të jetë një pikë qëndrore e fuqishme, duke mishëruar pasionin dhe energjinë e mbështetësve tanë. Me dizajnin e tij ikonik të frymëzuar nga arkitektura klasike romake, stadiumi do të ofrojë një eksperiencë të klasit botëror për të gjithë, nga tifozët e futbollit te komuniteti lokal dhe vizitorët”, tha zëvendëspresidenti Ryan Friedkin.

🏟️ Verso il nuovo stadio

📄 https://t.co/7a0IiInWD5#ASRoma pic.twitter.com/C9mNPE9aYG

— AS Roma (@OfficialASRoma) July 24, 2024